Never Change A Winning Team Lyrics

Am ABig vor de grosse, brutale Kataschtrophe
Da isch mis Ruumschiff färtig poue gsi
Ich ha dänkt ich seg en Nette und tüegi d'Mänsche rette
Und läss vo allne Sorte öpper dri

Chindeler,  Hündeler, Schwindler und Plünderer
Biigemer all is Ruumschiff ie
Jögeler, Drögeler, Zoge'n'am Bögeler
S'hat scho Platz irgendwie

Nur en tote Planet isch en guete Planet
Hanich gseit, drom stiiged ii
Mir händ met de Ärde chöne färtigwerde
Das wird au neime anderscht möglich sii
Never change a winning team

Briefmärkler, Fruchtquärkler, Jöghürtler, Schportler
Wüsseschaftler, Tüftler, Proteschtler und Baschtler
Isebähnler, Grössewähnler, Sammler und Frömmler
Biigemer all is Ruumschiff ie
Jögeler, Drögeler, Zoge'n'am Bögeler
S'hat scho Platz irgendwie

Mir flüged vo da une zunere neue Sonne
Irgendwie wird das scho möglich sii
Und dänn sind au deete di läbige Planete
Bald läärgfrösse und verbii
Never change a winning team

Gummiböötler, Wonigsnötler, Schtöppler, Boyköttler
Wäbstübler, Ohregrübler, Bättler und Blüttler
Bänkler(-ine), Pöstler(-ine), Trämmler(-ine), Gglüschtler(-ine)
Biigemer all is Ruumschiff ie
Jögeler, Drögeler, Zoge'n'am Bögeler
S'hat scho Platz irgendwie